Faiq Əmirli tutulub
AXCP sədrinin köməkçisi Faiq Əmirli aprelin 8-i Bakıda, evinin yanında tutulub. Onu mülki geyimli şəxslər axşamüstü maşınla aparıblar.
Novator.az bildirir ki, Faiq Əmirli “Azadlıq” qəzetinin maliyyə direktoru vəzifəsini tutan zaman həbsdə yatıb. 2016-cı il avqustun 20-də tutulan Faiq Əmirli Səbail Rayon Məhkəməsinin hökmü ilə 3 il 3 ay müddətinə azadlıqdan məhrum edilmişdi. 2017-ci il sentyabrın 15-i Bakı Apellyasiya Məhkəməsi Faiq Əmirlinin cəzasının qalan hissəsini şərti cəza ilə əvəzləyib və həbsdən buraxılmasına qərar verib.
Azərbaycan Demokratiya və Rifah (ADR) Hərəkatının üzvü Vəfadar Əliyev də saxlanıb. “Turan”ın məlumatına görə, onu aprelin 8-də evindən götürüb Binəqədi Rayon Polis İdarəsinin 7-ci bölməsinə aparıblar.
ADR Hərəkatı 2015-ci ildə yaradılıb. Quruma iqtisadçı alim Qubad İbadoğlu rəhbərlik edir.
