Gələn 17 faiz, gedən 12,2 faiz artıb
2020-ci ilin yanvar-fevral aylarında Azərbaycana 149 ölkədən 426,1 min və ya əvvəlki ilin eyni dövrü ilə müqayisədə 17 faiz çox əcnəbi və vətəndaşlığı olmayan şəxs gəlib. Dövlət Statistika Komitəsi Sərhəd Xidmətinə istinadla bildirir ki, gələnlərin 28,7 faizi Rusiya, bir o qədəri Gürcüstan, 11,2 faizi Türkiyə, 6,2 faizi İran, qalanları digər ölkələrin vətəndaşları, 0,1 faizi vətəndaşlığı olmayan şəxslərdir.
Rəsmi hesabata görə, 2019-cu ilin yanvar-fevral ayları ilə müqayisədə xarici ölkələrə gedən Azərbaycan vətəndaşlarının sayı 12,2 faiz artaraq 820,6 min nəfər olub, onların 38,4 faizi İrana, 29,1 faizi Gürcüstana, 17,3 faizi Rusiyaya, 9,9 faizi Türkiyəyə, 5,3 faizi digər ölkələrə səfər edib.
