Kurs hayana?
Mərkəzi Bank martın 19-da xarici valyutaların böyük əksəriyyətini ucuzlaşdırıb. Novator.az-ın məlumatına görə, avro 1,8528, Çin yuanı 0,2403, Gürcüstan larisi 0,5365, İngiltərə funt sterlinqi 1,9547, Rusiya rublu 0,0208, Türkiyə lirəsi 0,2616 manata düşüb.
Rəsmi məzənnələri sabit qalan ABŞ dolları banklara 1,7, BƏƏ dirhəmi 0,4628 manata təklif olunur.
Yalnız iki valyuta dəyər artırıb: İsrail şekelinə 0,4568, Misir funtuna 0,1079 manat qiymət qoyulub.
Avro 2020-ci ilə 1,9025, lari 0,5947, rubl 0,0275, lirə 0,2849 manatla başlayıb. Dolların indiki qiyməti 2018-ci il martın 7-dən qüvvədədir.
Dövlət Neft Fondu Mərkəzi Bankın 2020-ci ilin yanvar-fevral aylarında keçirdiyi valyuta hərraclarında 843,6 milyon ABŞ dolları məbləğində vəsait satıb. Yanvarın hərraclarında 300,2 milyon dollar, fevralın hərraclarında 543,4 milyon dollar sərf olunub.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar, 2019-cu ildə 6,6 milyard dollar göstərilib.
