Azərbaycan nefti 25 dollardan ucuzdur
Energetika Nazirliyinin 19 mart məlumatına görə, London birjasında brent markalı neftin barreli 25,89 dollara, Nyu-York birjasında layt markalı neftin barreli 22,65 dollara satılır.
“AzəriLayt” markalı Azərbaycan neftinin barrelinə 24,53 dollar qiymət qoyulduğu bildirilir.
Azərbaycanın 2020-ci il büdcəsində neftin qiyməti 55 dollardan götürülüb. “AzəriLayt” yanvara 70,04, fevrala 62,15, marta 53,77 dollarla başlayıb.
Neft dünyanı bürüyən koronavirus xəstəliyi fonunda ucuzlaşmağa başlayıb. İri neft ixracatçılarını birləşdirən OPEK və bir neçə qeyri-OPEK ölkəsi martın 6-da hasilatı azaltmaq razılığına gələ bilmədiyi üçün qiymətlər daha kəskin enib.
