Yaxın ölkələrlə alış-veriş
Novator.az Azərbaycanın yaxın ölkələrlə 2020-ci ilin yanvar-fevral ayları üzrə rəsmi ticarət statistikasını təqdim edir.
Dövlət Gömrük Komitəsinin hesabatına görə, iki ayda Azərbaycan Türkiyəyə 310,6 milyon dollarlıq məhsul ixrac edib.
Rusiyaya 91,5 milyon dollarlıq, Gürcüstana 91,1 milyon dollarlıq, Ukraynaya 88 milyon dollarlıq, İrana 8,4 milyon dollarlıq, Qazaxıstana 5,7 milyon dollarlıq, Belarusa 3 milyon dollarlıq, Türkmənistana 2,8 milyon dollarlıq, Özbəkistana 1,3 milyon dollarlıq, Litvaya 628,8 min dollarlıq, Qırğızıstana 373,4 min dollarlıq, Estoniyaya 342,9 min dollarlıq, Moldovaya 137,4 min dollarlıq, Tacikistana 105,7 min dollarlıq, Latviyaya 97,6 min dollarlıq ixrac qeydə alınıb.
Yanvar-fevral aylarında Azərbaycan Rusiyadan 255,5 milyon dollarlıq mal alıb.
Türkiyədən Azərbaycana 236,7 milyon dollarlıq, Ukraynadan 60,6 milyon dollarlıq, İrandan 51,7 milyon dollarlıq, Türkmənistandan 39,4 milyon dollarlıq, Qazaxıstandan 17,3 milyon dollarlıq, Belarusdan 16,4 milyon dollarlıq, Özbəkistandan 10,5 milyon dollarlıq məhsul göndərilib.
Digər yaxın ölkələrdən idxal göstəriciləri belə rəsmiləşib:
Gürcüstan – 9,5 milyon dollar
Litva – 1,9 milyon dollar
Latviya – 1,5 milyon dollar
Moldova – 989,8 min dollar
Estoniya – 491,9 min dollar
Qırğızıstan – 317,7 min dollar
Tacikistan – 0,89 min dollar.
