Naxçıvanda orta maaş 504 manata çatır
Naxçıvan Muxtar Respublikasının sosial-iqtisadi göstəriciləri açıqlanıb. Novator.az bildirir ki, yerli Statistika Komitəsinin hesabatına görə, 2020-ci ilin yanvar-fevral aylarında ümumi daxili məhsul ötən ilin eyni dövrünə nəzərən müqayisəli qiymətlərlə 1,1% artaraq 361,8 milyon manat dəyərində rəsmiləşib. Hər bir nəfərə düşən ümumi daxili məhsul 786,8 manat göstərilir.
Rəsmi açıqlamaya əsasən, sənayedə 1,1%, kənd təsərrüfatında 2,4% (hər ikisində müqayisəli qiymətlərlə), kapital qoyuluşunda 0,8% artım qeydə alınıb.
Xarici ticarət dövriyyəsində 9,4%, ixracda 0,6%, idxalda 41,9% yüksəliş olduğu vurğulanır.
Qeyd olunur ki, fevralın 1-nə Naxçıvan Muxtar Respublikasında orta əməkhaqqı 503,9 manata çatıb.
