Məzənnə dəyişiklikləri
Martın 16-da avronun rəsmi kursu 1,8927 manata düşüb. Bu valyuta martın 6-dan 1 manat 90 qəpikdən baha idi.
Novator.az-ın məlumatına görə, həmçinin Gürcüstan larisi (0,5601 manat) və Türkiyə lirəsi (0,2691 manat) ucuzlaşıb.
Mərkəzi Bank ABŞ dollarının məzənnəsini dəyişməyib: 1,7 manat.
Dəyər artıran Rusiya rublu isə banklara 0,0233 manata təklif olunur (Valyutalar).
Dolların indiki rəsmi kursu 2018-ci il martın 7-dən qüvvədədir.
Avro 2020-ci ilə 1,9025, lari 0,5947, rubl 0,0275, lirə 0,2849 manatla başlayıb.
Dövlət Neft Fondu Mərkəzi Bankın 2020-ci ilin yanvar-fevral aylarında keçirdiyi valyuta hərraclarında 843,6 milyon ABŞ dolları məbləğində vəsait satıb. Yanvarın hərraclarında 300,2 milyon dollar, fevralın hərraclarında 543,4 milyon dollar sərf olunub.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar, 2019-cu ildə 6,6 milyard dollar göstərilib.
