Hansı əmanətlər sığortalanacaq?
Mərkəzi Bank əmanətlərin tam sığortalanması ilə bağlı məlumat yayıb. Rəsmi açıqlamada xatırladılır ki, Milli Məclisin 13 mart iclasında “Əmanətlərin tam sığortalanması haqqında” qanuna dəyişiklik edilib, məbləğindən asılı olmayaraq bütün qorunan əmanətlərin tam sığortalanması müddəti 9 ay uzadılıb: “Ölkə prezidenti qanuna edilmiş dəyişikliyi imzaladıqdan sonra illik faiz dərəcəsi milli valyutada 10 faizdən, xarici valyutada 2,5 faizdən yüksək olmayan bütün əmanətlərin tam sığortalanması müddəti 4 dekabr 2020-ci ilədək uzadılacaq”.
“Əmanətlərin tam sığortalanması haqqında” qanun 2016-cı il martın 1-dən qüvvəyə minib, bütün əmanətlər 3 il müddətinə tam sığortalanıb, sonra müddət daha 1 il uzadılıb.
