Xərc qazancı üstələyir
Dövlət Neft Fondu bu ilin yanvar-fevral aylarında “Azəri-Çıraq-Günəşli” yatağından 1 milyard 5 milyon dollar, “Şahdəniz” yatağından 69 milyon dollar gəlir əldə edib. Novator.az-ın məlumatına görə, iqtisadçı Qubad İbadoğlu özünün “Facebook” səhifəsində yazır ki, bu il Dövlət Neft Fondu valyuta bazarında satışa 1,8 milyard ABŞ dolları məbləğində vəsait çıxarıb: “Satılan valyutanın həcmi fondun gəlirindən 800 milyon dollar çox olub. Bu o deməkdir ki, Dövlət Neft Fondu gələcək nəsillər üçün nəzərdə tutulan aktivləri xərcləməyə başlayıb.
2020-ci ilin əvvəlinə Dövlət Neft Fondunun aktivləri 43 milyard 323,3 milyon ABŞ dolları həcmində olub. Hazırda bu məbləğ azalır və ilin sonuna qədər 40 milyard dollardan aşağı düşə bilər”.
