ÜDM-in rəsmi göstəriciləri
Dövlət Statistika Komitəsi ümumi daxili məhsul istehsalı haqqında məlumat yayıb. Novator.az bildirir ki, rəsmi hesabata görə, 2020-ci ilin yanvar-fevral aylarında Azərbaycanda ÜDM-in həcmi əvvəlki ilin eyni dövrü ilə müqayisədə 2,8 faiz artaraq 12 milyard 578 milyon manat səviyyəsində rəsmiləşib.
İqtisadiyyatın qeyri neft-qaz sektorunda əlavə dəyərin 6,7 faiz artdığı, neft-qaz sektorunda 2,1 faiz azaldığı vurğulanır.
Açıqlamaya əsasən, ÜDM istehsalının 43,6 faizi sənaye, 9,6 faizi ticarət; nəqliyyat vasitələrinin təmiri, 6,9 faizi nəqliyyat və anbar təsərrüfatı, 4,7 faizi tikinti, 2,9 faizi kənd təsərrüfatı, meşə təsərrüfatı və balıqçılıq, 2,6 faizi turistlərin yerləşdirilməsi və ictimai iaşə, 2 faizi informasiya və rabitə sahələrinin, 18,6 faizi digər sahələrin payına düşüb, məhsula və idxala xalis vergilər ÜDM-in 9,1 faizinə, əhalinin hər nəfərinə düşən ÜDM 1263,7 manata bərabər olub.
