22,65 dollar ucuz…
AZƏRTAC-ın 13 mart məlumatına görə, London birjasında brent markalı neftin barreli 33,63 dollara, Nyu-York birjasında layt markalı neftin barreli 31,78 dollara satılır.
“AzəriLayt” markalı Azərbaycan neftinin barrelinə 32,35 dollar qiymət qoyulub. Bu, büdcə qiymətindən 22,65 dollar aşağı göstəricidir.
Azərbaycanın 2020-ci il büdcəsində neftin qiyməti 55 dollardan götürülüb. “AzəriLayt” yanvara 70,04, fevrala 62,15, marta 53,77 dollarla başlayıb.
Neft dünyanın 120-dən çox ölkəsini bürüyən koronavirus xəstəliyi fonunda ucuzlaşmağa başlayıb. İri neft ixracatçılarını birləşdirən OPEK və bir neçə qeyri-OPEK ölkəsi martın 6-da hasilatı azaltmaq razılığına gələ bilmədiyi üçün qiymətlər daha kəskin enib.
