36 dollardan bir az baha…
Neftin 12 mart qiymətləri açıqlanıb. AZƏRTAC-ın məlumatına görə, London birjasında brent markalı neftin barreli 34,37 dollara, Nyu-York birjasında layt markalı neftin barreli 31,70 dollara satılır.
“AzəriLayt” markalı Azərbaycan neftinin barrelinin 36,04 dollara təklif olunduğu bildirilir.
Azərbaycanın 2020-ci il büdcəsində neftin qiyməti 55 dollardan götürülüb. “AzəriLayt” yanvara 70,04, fevrala 62,15, marta 53,77 dollarla başlayıb.
Energetika Nazirliyi yanvarın gündəlik neft hasilatını 769 min barrel, fevralın hasilatını 750,6 min barrel göstərib.
Neft dünyanın 110-dan çox ölkəsini bürüyən koronavirus epidemiyası fonunda ucuzlaşmağa başlayıb. İri neft ixracatçılarını birləşdirən OPEK və bir neçə qeyri-OPEK ölkəsi martın 6-da hasilatı azaltmaq razılığına gələ bilmədiyi üçün qiymətlər daha kəskin enib.
