Sadə məsələ
Azərbaycan Demokratiya və Rifah Hərəkatının sədri, iqtisadçı Qubad İbadoğlu prezident İlham Əliyevin yeni təyin olunmuş icra başçıları ilə görüşdə dediklərinə münasibət bildirib.
İlham Əliyev martın 5-də Nahid Bağırovu İsmayıllı Rayon İcra Hakimiyyətinin başçısı, Mirhəsən Seyidovu Neftçala Rayon İcra Hakimiyyətinin başçısı vəzifələrinə təyin olunmaları ilə əlaqədar qəbul edib.
Novator.az-ın məlumatına görə, Qubad İbadoğlu özünün “Facebook” səhifəsində yazır ki, prezidentin icra başçıları ilə görüşdə qoyduğu iki tapşırıq diqqətini çəkib – xarici sərmayənin cəlbi və korrupsiya ilə mübarizə: “Rayonlara xaricdən sərmayə cəlbi həlli mümkün olmayan tapşırıqdır. Bu vəzifəni icra etmək üçün ölkədə fiskal və inzibati əks-mərkəzləşmə islahatları aparılmalı, rayonlar özləri müstəqil iqtisadi subyekt kimi fəaliyyət göstərməli, məhkəmələr müstəqil olmalıdır.
Xarici investorların marağında neft-qaz sektorundan kənar sahə qalmayıb. Son illər Azərbaycana cəlb olunmuş birbaşa investisiyalar yenə də neft-qaz sektoruna yönəlir, üstəlik, ildən ilə azalır. Birbaşa xarici sərmayələr 2016-cı ildə 7,3 milyard dollar, 2017-ci ildə 5,7 milyard dollar, 2018-ci ildə 4,1 milyard dollar, 2019-cu ilin 9 ayında 2,6 milyard dollar olub. Bu istiqamətdə tapşırığın icra olunmayacağı əvvəlcədən bəllidir, çünki qarşıya qoyulan vəzifənin həlli yalnız icra başçısının dəyişməsindən asılı deyil.
İlham Əliyev icra başçıları ilə söhbətdə onu da qeyd etdi ki, Neftçalada korrupsiya sistem xarakteri almışdı, icra başçısı, mərkəzi xəstəxananın baş həkimi, təhsil şöbəsinin müdiri, başqa vəzifəlilər rüşvətlə varlanıblar. Bu sxem yalnız Neftçalada deyil, ölkənin bütün rayonlarında var və hələ də işləyir. Korrupsiya yalnız Neftçalada deyil, Azərbaycanda sistem xarakterlidir və idarəçilik vasitələrindən ən birincidir. Ölkədə korrupsiya ilə mübarizə başdan və ilk növbədə prezident, vitse-prezident, baş nazir, parlamentin sədri və üzvləri, yerli icra başçıları, prokurorlar, hakimlər, polis rəislərinin gəlir və əmlaklarını bəyan etməsindən başlamalıdır. Problemin həlli bu qədər sadədir. Gəlirlərinizi və əmlakınızı bəyan edin, cənablar!”
Dövlət Təhlükəsizliyi Xidmətindən Neftçala açıqlaması
Əməliyyat keçirilən rayonun başçısı postdan götürüldü
Neftçala həbslərindən rəsmi məlumat
“Kabinetdə müxtəlif adamlardan rüşvət alınması biabırçı mənzərədir”
