Şəhid sərhədçi dəfn edilib
Şəhid sərhədçi Paşazadə Orxan Nazim oğlu martın 6-da son mənzilə yola salınıb.
Dövlət Sərhəd Xidmətinin əsgəri olan 1996-cı il təvəllüdlü Orxan Paşazadə martın 5-i axşam Qazaxın Quşçu Ayrım kəndi yaxınlığındakı sərhəd məntəqəsində Ermənistan bölmələrinin snayper atəşi ilə yaralanıb, rayonun diaqnostika mərkəzində ölüb.
APA-nın məlumatına görə, Orxan Paşazadə martın 6-sı Cəlilabad rayonunun Cəfərxanlı kəndində torpağa tapşırılıb. Mərasimdə Dövlət Sərhəd Xidmətinin, Səfərbərlik və Hərbi Xidmətə Çağırış üzrə Dövlət Xidmətinin rəsmiləri, rayon rəhbərliyi, ictimaiyyət nümayəndələri iştirak edib.
Şəhidin “Hərbi xidmətdə fərqlənməyə görə” 3-cü dərəcəli medalı ilə təltif edildiyi bildirilir.
