Tovuz səfəri
Prezident İlham Əliyev martın 4-də Tovuz rayonuna baş çəkib. AZƏRTAC xəbər verir ki, dövlət başçısı “Azərxalça” Açıq Səhmdar Cəmiyyətinin Tovuz filialının fəaliyyəti ilə tanış olub.
İlham Əliyev Azərbaycan Aşıq Sənəti Dövlət Muzeyinin, Tarix-Diyarşünaslıq Muzeyinin, Dövlət Rəmzləri Muzeyinin, “ASAN Həyat” kompleksinin açılışlarına da qatılıb.
Həmin gün dövlət başçısının iştirakı ilə Qovlar-Əyyublu-Alakol-İbrahimhacılı-Yanıqlı-Ağacqala-Qoçdərə-Çobansığnaq-Yoğunbulaq-Sarıtala avtomobil yolu yenidənqurmadan sonra istifadəyə verilib.
