Yeni ayın ilk məzənnələri
Mərkəzi Bank 2020-ci ilin üçüncü ayının ilk rəsmi məzənnələrini açıqlayıb. Novator.az-ın məlumatına görə, martın 2-də avro 1,8784, Gürcüstan larisi 0,6116, Türkiyə lirəsi 0,2735 manata yüksəlib.
ABŞ dollarının kursu 1,7 manat həddində qalıb, dəyər itirən Rusiya rubluna isə 0,0254 manat qiymət qoyulub (Valyutalar).
Avro 2020-ci ilə 1,9025, lari 0,5947, rubl 0,0275, lirə 0,2849 manatla başlayıb.
2015-ci ilin devalvasiyaları nəticəsində dolların rəsmi kursu 0,7844 manatdan 1,5594 manata qalxıb.
2016-cı ildə rəsmi qiymət 1,7707 manata çatıb.
2017-ci ili 1,7001 manatla yola salan dollar 2018-ci il martın 7-dən 1,7 manata təklif olunur.
Dövlət Neft Fondu Mərkəzi Bankın 2020-ci ilin yanvar ayında keçirdiyi valyuta hərraclarında 300,2 milyon ABŞ dolları məbləğində vəsait satıb.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar, 2019-cu ildə 6,6 milyard dollar göstərilib.
