Tacikistan: seçkini prezident partiyası uddu
Tacikistanda parlamentin aşağı palatasına martın 1-də keçirilmiş seçkinin ilkin nəticələri açıqlanıb.
63 yerlik parlamentin 22 deputatı partiya siyahıları üzrə seçilib. Novator.az bildirir ki, Mərkəzi Seçki və Referendum Komissiyası prezident İmaməli Rəhmanın Xalq Demokrat Partiyasının bu sistemlə 12 mandat aldığını bəyan edib.
İqtisadi İslahatlar Partiyası və Aqrar Partiyanın hər biri 4 mandat, Sosialist və Demokrat partiyalarının hərəsi 1 mandat götürüb.
Dairələr üzrə seçkidə də hakim partiya önə çıxıb.
İmaməli Rəhman 1992-ci ildən dövlət başçısı postunu tutur. 1952-ci il təvəllüdlü İmaməli Rəhman sonuncu dəfə 2013-cü ilin noyabrında prezident seçilib.
Səidə Hüseynova
