12 ölkə, 32 klub
2019-2020-ci illər mövsümündə UEFA-nın klub turnirlərinə 237 komanda buraxılıb. Novator.az bildirir ki, indi Çempionlar Liqası və Avropa Liqasında mübarizəni 55 UEFA üzvündən 12-nin təmsilçiləri davam etdirir: hər liqada 16 klub oynayır.
İspaniya, İngiltərə və Almaniyanın klub turnirlərində 6, İtaliyanın 5 komandası var.
Fransa 2, Ukrayna, Türkiyə, Avstriya, Danimarka, Şotlandiya, Yunanıstan, İsveçrə 1 komanda ilə yarışırlar.
Klub reytinqinə 98,997 əmsalla İspaniya başçılıq edir.
Klub reytinqi Çempionlar Liqası və Avropa Liqasında son beş mövsümdə qazanılan əmsala əsaslanır. Qrup raunduna qədər qələbə 1, heç-heçə 0,5 xal; qrupda və sonrakı mərhələlərdə qələbə 2, heç-heçə 1 xaldır.
Çempionlar Liqasının qrupuna düşmək 4 bonus xalı, 1/8 finala çıxmaq 5 bonus xalı, hər iki turnirin 1/4 finalına, yarımfinalına və finalına yüksəlmək 1 bonus xalı verir.
Toplanan xallar qitə turnirlərinə vəsiqə almış ölkə klublarının sayına bölünür və mində bir dəqiqliklə əmsal çıxarılır.
