Məzənnələrin iki ayı
Novator.az xarici valyutaların rəsmi məzənnələrinin yanvar-fevral aylarında necə dəyişməsinə nəzər yetirib.
Avro 2020-ci ilə 1,9025 manatla başlayıb. Yanvarın 8-dən rəsmi kurs 1 manat 90 qəpikdən aşağıdır. Fevralın maksimal qiyməti 1,8839 manat olub.
Gürcüstan larisi 0,5947 manatla start götürüb, fevralda ən yüksək rəsmi məzənnə 0,6095 manat göstərilib.
Rusiya rublu ilə 0,0275 manatla girib, yanvarın maksimal qiyməti 0,0278 manat, fevralın yuxarı həddi 0,0271 manatdır.
Türkiyə lirəsi yola 0,2849 manatla çıxıb. Yanvarda rəsmi məzənnənin zirvəsi 0,2895 manat, fevralda 0,2842 manat səviyyəsində rəsmiləşib.
2015-ci ilin devalvasiyaları nəticəsində dolların rəsmi kursu 0,7844 manatdan 1,5594 manata qalxıb.
2016-cı ildə rəsmi qiymət 1,7707 manata çatıb.
2017-ci ili 1,7001 manatla yola salan dollar 2018-ci il martın 7-dən 1,7 manata təklif olunur.
Dövlət Neft Fondu Mərkəzi Bankın 2020-ci ilin yanvar ayında keçirdiyi valyuta hərraclarında 300,2 milyon ABŞ dolları məbləğində vəsait satıb.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar, 2019-cu ildə 6,6 milyard dollar göstərilib.
