İxrac icmalı yayılıb
İqtisadi İslahatların Təhlili və Kommunikasiya Mərkəzi ixrac icmalı yayıb. Novator.az bildirir ki, rəsmi hesabata görə, 2020-ci ilin yanvar ayında Azərbaycanın ixracı 2,1 milyard ABŞ dolları təşkil edib və 2019-cu ilin müvafiq dövrünə nisbətən 66,5 faiz artıb: “Bu müddətdə qeyri-neft sektoru üzrə 141 milyon ABŞ dolları dəyərində ixrac reallaşdırılıb. İxrac olunan qeyri-neft sektoruna aid malların siyahısına qızıl (sikkə kəsilməsində istifadə olunmayan, digər emal olunmamış formalarda), pomidor və qabığı təmizlənmiş meşə fındığı başçılıq edib.
Yanvar ayında Rusiyaya 48,2 milyon, Türkiyəyə 33,1 milyon, İsveçrəyə 17 milyon, Gürcüstana 8,5 milyon, Çinə 5,9 milyon ABŞ dolları dəyərində qeyri-neft sektoruna aid mal göndərilib”.
