“Avroviziya 2020”yə Samirə Əfəndi gedir
İctimai Televiziya və Radio Yayımları Şirkəti “Avroviziya 2020” beynəlxalq mahnı müsabiqəsində Azərbaycanı təmsil edəcək iştirakçının adını açıqlayıb: Samirə Əfəndi.
1991-ci il aprelin 17-si Bakıda doğulan Samirə Əfəndi fortepiano ixtisası və estrada musiqi sənəti üzrə təhsil alıb. Yerli və beynəlxalq musiqi yarışlarının fəal iştirakçısı kimi tanınıb.
Mayın 12-16-da Niderlandın Rotterdam şəhərində keçiriləcək “Avroviziya 2020”yə 41 ölkə qatılır. Novator.az bildirir ki, mahnı müsabiqəsindəki təmsilçisini daha 26 ölkə seçib:
Albaniya – Arilena Ara
Almaniya – Bencamin Doliç
Avstraliya – Cessika Alissa Serro
Avstriya – Vinsent Bueno
Belçika – “Huverfonik” qrupu
Bolqarıstan – Viktoriya Georgiyeva
Böyük Britaniya – Ceyms Nyuman
Çexiya – Ben Kristovao
Ermənistan – Atena Manukyan
Fransa – Tom Lib
Gürcüstan – Tornike Kipiani
İspaniya – Blas Kanto Moreno
İsrail – Eden Alene
İtaliya – Antonio Diodato
Kipr – Alessandro Rütten (Sandro Nikolas)
Latviya – Samanta Tina
Litva – “Roop” qrupu
Malta – Destini Çukunyere
Niderland – Janqyu Makroy
Norveç – Ulrikke Brandstorp
Şimali Makedoniya – Vasil Qarvanliyev
Polşa – Alisia Semplinska
Rumıniya – Larisa Roxana
Sloveniya – Ana Sokliç
Ukrayna – “Go A” qrupu
Yunanıstan – Stefaniya Liberakakis.
1956-cı ildən keçirilən “Avroviziya” yarışı ictimai teleradioları cəmləşdirən Avropa Yayım Birliyinin layihəsidir.
Azərbaycan “Avroviziya”ya 2008-ci ildən qatılır. 2008-ci ildə Elnur Hüseynov və Samir Cavadzadə 8-ci, 2009-cu ildə Aysel Teymurzadə və Araş 3-cü, 2010-cu ildə Səfurə Əlizadə 5-ci, 2011-ci ildə Nigar Camal və Eldar Qasımov 1-ci, 2012-ci ildə Səbinə Babayeva 4-cü, 2013-cü ildə Fərid Məmmədov 2-ci, 2014-cü ildə Dilarə Kazımova 22-ci, 2015-ci ildə Elnur Hüseynov 12-ci, 2016-cı ildə Səmra Rəhimli 17-ci, 2017-ci ildə Diana Hacıyeva 14-cü, 2019-cu ildə Çingiz Mustafayev 8-ci yeri tutub.
“Avroviziya 2018”dəki təmsilçi Aysel Məmmədova yarımfinalda ələnib.
