Real və minimal üstünlüklər
UEFA-nın baş klub turnirində – Çempionlar Liqasında 1/8 finalın ilk oyunları arxada qalıb. Novator.az-ın məlumatına görə, fevralın 26-da keçirilmiş “Real” (İspaniya) – “Mançester Siti” (İngiltərə) görüşündə qonaqlar (2:1), “Lion” (Fransa) – “Yuventus” (İtaliya) matçında meydan sahibi (1:0) qalib gəlib.
Bir gün öncə “Çelsi” (İngiltərə) evdə “Bavariya”ya (Almaniya) 3 cavabsız topla uduzub, “Napoli” (İtaliya) ilə “Barselona” (İspaniya) sülhə razılaşıblar – 1:1.
Ötən həftə “Atletiko” (İspaniya) “Liverpul”u (İngiltərə) 1:0, “Borussiya” (Dortmund, Almaniya) PSJ-ni (Fransa) 2:1, “Atalanta” (İtaliya) “Valensiya”nı (İspaniya) 4:1 yenib, “Tottenhem” (İngiltərə) – “Leypsiq” (Almaniya) oyunu 0:1 hesabı ilə başa çatıb.
1955-ci ildə yaradılmış, 1991-ci ilə qədər Çempionlar kuboku adlanmış turniri “Real” 13, “Liverpul” 6, “Bavariya” və “Barselona” 5, “Yuventus” 2, “Borussiya” və “Çelsi” 1 dəfə zirvədə tamamlayıb.
