Neft Fondunun 43,3 milyard dollarlıq aktivi var
Dövlət Neft Fondunun (DNF) icraçı direktoru İsrafil Məmmədov AZƏRTAC müsahibəsində deyib ki, 2020-ci ilin əvvəlinə aktivlərin həcmi 43,3 milyard dollara çatıb. Onun sözlərinə görə, DNF-nin investisiya portfelinin 56,6 faizini ABŞ dolları, 31,4 faizini avro, 5,1 faizini ingilis funt sterlinqi, digər hissəsini isə Avstraliya dolları, Türkiyə lirəsi, Rusiya rublu, Koreya vonu, Çin yuanı, yapon yeni və digər valyutalar təşkil edir.
Portfelin aktivlər üzrə bölgüsündə 68,7 faiz istiqrazlar və pul bazarı alətləri, 14,1 faiz səhmlər, 5,8 faiz daşınmaz əmlak, 11,4 faiz qızıla investisiyalar olub.
