14 ölkə, 1 təşkilat, 22 ştat…
Novator.az Xocalı soyqırımının tanınma statistikasına nəzər salıb.
1992-ci il fevralın 26-da erməni silahlı qüvvələri Rusiya Ordusunun Xankəndidəki alayının köməyi ilə Azərbaycanın Xocalı şəhərini işğal edərək 613 dinc sakini qətlə yetirib.
Xocalı qırğınını indiyədək 14 ölkə – Meksika (2011), Pakistan (2012), Kolumbiya (2012), Çexiya (2013), Rumıniya (2013), Bosniya və Herseqovina (2013), Peru (2013), İordaniya (2013), Panama (2013), Honduras (2014), Sudan (2014), Cibuti (2017), Şotlandiya (2017), Paraqvay (2017) soyqırımı kimi tanıyıb.
57 ölkəni birləşdirən İslam Əməkdaşlıq Təşkilatı və ABŞ-ın 22 ştatının qanunverici orqanları da Xocalıdakı qırğının soyqırımı olduğunu bəyan edib.
Ermənistanın 1988-ci ildən Azərbaycana başlayan hərbi təcavüzü nəticəsində Dağlıq Qarabağ bölgəsi (Ağdərə, Xocavənd, Xankəndi, Xocalı, Şuşa) və onun həndəvərindəki 7 rayon (Laçın, Kəlbəcər, Zəngilan, Qubadlı, Cəbrayıl, Ağdam, Füzuli) zəbt olunub.
