İsgəndər Həmidov vəfat etdi
Milli azadlıq hərəkatının liderlərindən olan sabiq daxili işlər naziri İsgəndər Həmidov fevralın 26-sı Bakıdakı “City Hospital”da vəfat edib.
Ürəyi xəstə olan İsgəndər Həmidov bu il yanvarın 24-dən paytaxtdakı Mərkəzi Klinik Xəstəxanada müalicə almış, fevralın 5-də koma vəziyyətində “City Hospital”a köçürülmüşdü.
Novator.az bildirir ki, 1948-ci il təvəllüdlü İsgəndər Həmidov iqtisadiyyat və hüquq sahələri üzrə iki ali təhsil alıb. Uzun illər daxili işlər orqanlarında xidmət edib. 1988-1991-ci illərin milli azadlıq hərəkatının öncül şəxslərindən biri kimi tanınıb. 1990-cı ildən parlamentin üzvü olub. Daxili işlər naziri postunu 1992-1993-cü illərdə, Əbülfəz Elçibəyin prezidentliyi zamanı tutub. 1995-2003-cü illərdə həbsdə yatıb.
Allah rəhmət eləsin!
