Ərdoğan Bakıdadır
Türkiyə prezidenti Rəcəb Teyyub Ərdoğan fevralın 25-də Azərbaycana səfərə gəlib. Bakının əsas hava limanında prezidenti baş nazirin birinci müavini Yaqub Eyyubov, xarici işlər nazirinin müavini Xələf Xələfov və digər rəsmi şəxslər qarşılayıb.
AZƏRTAC xəbər verir ki, bunun ardınca prezident İlham Əliyevin iştirakı ilə rəsmi qarşılanma mərasimi olub, Azərbaycanın və Türkiyənin dövlət və hökumət nümayəndələri prezidentlərlə görüşüblər.
Rəsmi qarşılanma mərasimindən sonra prezidentlər təkbətək görüşüblər.
Daha sonra Azərbaycan-Türkiyə Yüksək Səviyyəli Strateji Əməkdaşlıq Şurasının iclası keçirilib.
