Mübarək vəfat etdi
Misirin sabiq prezidenti Hüsnü Mübarək fevralın 25-i ölkəsindəki hərbi xəstəxanaların birində vəfat edib. Uzun müddət ağır xəstəlikdən əziyyət çəkən sabiq prezident bu ilin yanvarında mədəsindəki şişdən əməliyyat olunmuşdu.
Novator.az bildirir ki, 1928-ci il təvəllüdlü Hüsnü Mübarək 1981-ci ildən Misir prezidenti olub, 2011-ci ildə xalq hərəkatı dalğasında istefa verib, həbs edilərək ağır ittihamlarla məhkum olunub, 2017-ci ildə azadlığa buraxılıb.
Hüsnü Mübarəkin istefasından sonra, 2012-ci ildə Məhəmməd Mursi prezident seçilib. O, 2013-cü ildə devrilib, 2019-cu ildə, həbsdə olarkən vəfat edib.
Hazırda Misirdə prezident postunu Məhəmməd Mursini devirərkən müdafiə naziri və ordu komandanı olmuş Əbdülfəttah əl-Sisi tutur.
