İqor Ponomaryovun “Şöhrət”i
Dövlət başçısı İlham Əliyev futbol veteranı İqor Ponomaryovu “Şöhrət” ordeni ilə təltif edib. Sərəncam İqor Ponomaryovun Azərbaycanda idmanın inkişafında xidmətləri ilə əsaslandırılıb.
Novator.az bildirir ki, fevralın 24-də İqor Ponomaryovun 60 yaşı tamamlanır. 1960-cı ildə Bakıda doğulan İqor Ponomaryov 1978-1981 və 1983-1988-ci illərdə Azərbaycan paytaxtının “Neftçi”, 1982-ci ildə Moskvanın SSKA, 1989-cu ildə İsveçin “Norçöpinq” klublarında yarımmüdafiəçi müdafiəçi mövqeyində oynayıb. 1988-ci ildə SSRİ olimpiya yığmasının heyətində Seul olimpiadasının qalibi olub. İsveç çempionu (1989), gənclər arasında Avropa çempionu (1978), dünya çempionatının gümüş mükafatçısıdır (1979).
2000-2001-ci illərdə Azərbaycan milli komandasına, 2002-2003-cü illərdə “Sürianska” klubuna (İsveç), 2004-2005-ci illərdə “Qarabağ” klubuna, 2006-2007-ci illərdə “Maşuk” klubuna (Rusiya), 2008-2009-cu illərdə “Xəzər Lənkəran” klubuna baş məşqçilik edib.
Hazırda “Sabah” klubunun Müşahidə Şurasının üzvüdür.
