Orta maaş: Azərbaycan və qonşular
Rəsmi hesabata görə, 2020-ci il yanvarın 1-nə Azərbaycan iqtisadiyyatında muzdla çalışan işçilərin aylıq orta maaşı 634,8 manat olub.
Novator.az yaxın ölkələrin analoji göstəricilərinə də nəzər salıb.
Rusiyada son rəsmi statistika aylıq orta əməkhaqqını 46 min 285 rubl (1236 manata yaxın) göstərib.
Ermənistanda aylıq orta maaşın 182,7 min dram (649 manata yaxın), Gürcüstanda 1179 lari (707 manatdan çox) olduğu açıqlanıb.
Ukraynada aylıq orta əməkhaqqının 12 min 264 qrivna (856 manat), Belarusda 1238,7 Belarus rublu (955 manat), Qazaxıstanda 203,9 min təngə (917 manatdan çox) olduğu bildirilir.
