Dövlət Təhlükəsizliyi Xidmətindən Neftçala açıqlaması
Dövlət Təhlükəsizliyi Xidmətinin ictimai əlaqələr şöbəsi fevralın 20-də məlumat yayıb. Qeyd olunur ki, Neftçala Rayon İcra Hakimiyyətinin vətəndaşların hüquqlarına, cəmiyyətin və dövlətin qanunla qorunan mənafelərinə mühüm zərər vuran çoxsaylı cinayət əməllərinə yol vermələri ilə bağlı başlanmış cinayət işi üzrə kompleks əməliyyat-istintaq tədbirləri həyata keçirilir.
Araşdırmalar əsasında şübhəli şəxs qismində tutularaq cinayət məsuliyyətinə cəlb edilən şəxslər və onların törətdiyi cinayət əməlləri barədə ictimaiyyətə geniş məlumat veriləcəyi vurğulanır.
Novator.az bildirir ki, Neftçala Rayon İcra Hakimiyyətinə İsmayıl Məhərrəm oğlu Vəliyev başçılıq edir. O, 1959-cu ildə Gəncə şəhərində doğulub. 1981-ci ildə Bakı Dövlət Universitetini bitirib.
Əli Bayramlı Şəhər Xalq Deputatları Sovetində, Azərbaycan Ali Sovetinin Rəyasət Heyətində, Prezidentin İcra Aparatında, Dövlət Gömrük Komitəsində məsul vəzifələr tutub.
2005-ci ildən Qobustanın icra başçısı olub.
Neftçala Rayon İcra Hakimiyyətinin başçısı vəzifəsinə 26 aprel 2011-ci ildə təyinat alıb.
