Dollarsız yenilənmələr
Fevralın 19-da avronun rəsmi məzənnəsi 1,8355 manata enib.
Novator.az-ın məlumatına görə, Mərkəzi Bank həmçinin Rusiya rublu (0,0266 manat) və Türkiyə lirəsini (0,2801 manat) ucuzlaşdırıb.
ABŞ dollarının kursu 1,7 manat həddində qalıb, bahalaşan Gürcüstan larisi isə banklara 0,5954 manata təklif olunur (Valyutalar).
Avro 2020-ci ilə 1,9025, lari 0,5947, rubl 0,0275, lirə 0,2849 manatla başlayıb.
Dolların indiki qiyməti 2018-ci il martın 7-dən qüvvədədir.
Dövlət Neft Fondu Mərkəzi Bankın 2020-ci ilin yanvar ayında keçirdiyi valyuta hərraclarında 300,2 milyon ABŞ dolları məbləğində vəsait satıb.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar, 2019-cu ildə 6,6 milyard dollar göstərilib.
