Azərbaycana ən çox sərmayə qoyan ölkələr
Dövlət Statistika Komitəsinin rəsmi hesabatına görə, 2020-ci ilin yanvar ayında xarici müəssisə və təşkilatlar Azərbaycanın iqtisadi və sosial sahələrinin inkişafına 387,6 milyon manat vəsait yönəldib: “Bu vəsaitin 95,8 faizi Böyük Britaniya, ABŞ, Yaponiya, Türkiyə, Norveç, İsveçrə, Malayziya, Rusiya və İran sərmayədarlarına məxsusdur”.
Ümumilikdə yanvarda əsas kapitala 996,7 milyon manat (əvvəlki ilin müvafiq dövrü ilə müqayisədə 12,6 faiz çox) sərmayə qoyuldu vurğulanır: “Sərmayənin 70,6 faizi məhsul istehsalı sahələrinin, 17,5 faizi xidmət sahələrinin, 11,9 faizi yaşayış evlərinin tikintisinin payına düşüb”.
Qeyri-dövlət sektorunun sərmayədarlarının ümumi sərmayədə payı 73,5 faiz göstərilir.
Novator.az bildirir ki, hesabata əsasən, daxili mənbələrdən əsas kapitala yönəldilmiş vəsaitin dəyəri ümumi sərmayənin 61,1 faizinə bərabər olub.
