Hansı sahədə nə qədər maaş verirlər?
2020-ci il yanvarın 1-nə Azərbaycan iqtisadiyyatında muzdla çalışan işçilərin aylıq orta maaşı 634,8 manat göstərilir. Novator.az Dövlət Statistika Komitəsinə istinadla bildirir ki, iqtisadi fəaliyyət növləri üzrə ən yüksək orta maaş mədən sənayesində qeydə alınıb – 3048 manat.
Maliyyə və sığorta fəaliyyəti sahəsində orta maaş 1630,9 manat; peşə fəaliyyəti, elmi və texniki fəaliyyət sahəsində 1173 manat; informasiya və rabitədə 995,6 manat; nəqliyyat və anbar təsərrüfatında 853,5 manat göstərilir.
Qalan sahələrdə rəsmi orta maaş göstəriciləri belədir:
dövlət idarəetməsi və müdafiə; sosial təminat – 799,9 manat;
tikinti – 737,2 manat;
elektrik enerjisi, qaz və buxar istehsalı, bölüşdürülməsi və təchizatı – 638,5 manat;
emal sənayesi – 631,4 manat;
turistlərin yerləşdirilməsi və ictimai iaşə – 569,5 manat;
daşınmaz əmlakla əlaqədar əməliyyatlar – 552,2 manat;
ticarət; nəqliyyat vasitələrinin təmiri – 480,3 manat;
su təchizatı, tullantıların təmizlənməsi və emalı – 468,8 manat;
təhsil – 439 manat;
istirahət, əyləncə və incəsənət sahəsində fəaliyyət – 423,7 manat;
inzibati və yardımçı xidmətlərin göstərilməsi – 387,2 manat;
kənd təsərrüfatı, meşə təsərrüfatı və balıqçılıq – 370,9 manat;
əhaliyə səhiyyə xidməti və sosial xidmətlərin göstərilməsi – 352,4 manat;
digər sahələrdə xidmətlərin göstərilməsi – 631,8 manat.
Azərbaycanda minimum əməkhaqqı 250 manatdır.
