Dəyişmə və sabitliklər
Mərkəzi Bank fevralın 18-də avronun məzənnəsini 1,8412 manata endirib. Novator.az-ın məlumatına görə, həmçinin Çin yuanı (0,2431 manat), Gürcüstan larisi (0,5925 manat), İngiltərə funt sterlinqi (2,2092 manat) və Türkiyə lirəsi (0,2808 manat) ucuzlaşıb.
ABŞ dollarının rəsmi kursu 1,7 manat, BƏƏ dirhəmi 0,4628 manat həddində qalıb, dəyər artıran Rusiya rublu isə banklara 0,0268 manata təklif olunur (Valyutalar).
Avro 2020-ci ilə 1,9025, lari 0,5947, rubl 0,0275, lirə 0,2849 manatla başlayıb.
Dolların indiki qiyməti 2018-ci il martın 7-dən qüvvədədir.
Dövlət Neft Fondu Mərkəzi Bankın 2020-ci ilin yanvar ayında keçirdiyi valyuta hərraclarında 300,2 milyon ABŞ dolları məbləğində vəsait satıb.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar, 2019-cu ildə 6,6 milyard dollar göstərilib.
