Yaşıl meydanlardan soraq
Avropanın aparıcı milli futbol çempionatları davam edir. Novator.az-ın məlumatına görə, İngiltərə çempionatında 26 oyun keçirən “Liverpul” 76 xalla liderdir. “Mançester Siti” 25 oyuna 51, “Lester” 26 oyuna 50 xal toplayıb.
24 turu oynanan İspaniya çempionatında “Real” 53 xalla öndədir. “Barselona”nın 52, “Xetafe”nin 42, “Atletiko” və “Sevilya”nın 40 xalı var.
İtaliya çempionatında “Yuventus” 24 oyuna 57 xalla ilk sıranı tutur. “Latsio” 56, “İnter” 54 xal götürüb.
Almaniya çempionatına 22 oyuna 46 xal götürən “Bavariya” başçılıq edir. “Leypsiq” 45, “Borussiya” (Dortmund) və ehtiyatda bir oyunu olan “Borussiya” (Mönhenqladbah) 42 xal yığıb.
Fransa çempionatında PSJ 25 tura 62, “Marsel” 52, “Renn” 41, “Lill” 40 xal əldə edib.
