Valyutaların istiqaməti
Mərkəzi Bank fevralın 14-də bir çox xarici valyutanı ucuzlaşdırıb. Novator.az-ın məlumatına görə, avro 1,8416, Gürcüstan larisi 0,5918, Rusiya rublu 0,0268 manata enib.
ABŞ dollarının rəsmi kursu 1,7, BƏƏ dirhəmi 0,4628, Çin yuanı 0,2435 manat həddində qalıb.
Dəyər artıran İngiltərə funt sterlinqi banklara 2,2173, Türkiyə lirəsi 0,2813 manata təklif olunur (Valyutalar).
Avro 2020-ci ilə 1,9025, lari 0,5947, rubl 0,0275, lirə 0,2849 manatla başlayıb.
Dolların indiki qiyməti 2018-ci il martın 7-dən qüvvədədir.
Dövlət Neft Fondu Mərkəzi Bankın 2020-ci ilin yanvar ayında keçirdiyi valyuta hərraclarında 300,2 milyon ABŞ dolları məbləğində vəsait satıb.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar, 2019-cu ildə 6,6 milyard dollar göstərilib.
