Fəxrəddin Abbasova 16 il verildi
Ağır cinayətlərdə təqsirləndirilən Fəxrəddin Abbasova hökm oxunub. Musavat.com-un məlumatına görə, Bakı Ağır Cinayətlər Məhkəməsi fevralın 14-də Fəxrəddin Abbasovu 16 il müddətinə azadlıqdan məhrum edib.
1956-cı ildə Lerik rayonunda anadan olan Fəxrəddin Abbasov 1993-cü ildən talışların milli hüquqlarını qorumaq adı altında Azərbaycanın ərazi bütövlüyünə qarşı davamlı çağırışları ilə tanınıb. O, 2018-ci il sentyabrın 6-da Rusiyanın Moskva vilayətində tutulub, 2019-cu il fevralın 28-də Azərbaycana gətirilib.
İttihama əsasən, Fəxrəddin Abbasov Cinayət Məcəlləsinin 274 (Dövlətə xəyanət), 281.2 (Dövlət əleyhinə yönələn açıq çağırışlar) və 283.1-ci (Milli, irqi nifrət və düşmənçiliyin salınması, milli ləyaqətin alçaldılması) maddələrində nəzərdə tutulan cinayət əməllərini törədib.
