Sərmayə göstəriciləri
2020-ci ilin yanvar ayında Azərbaycanın iqtisadi və sosial sahələrinin inkişafına 996,7 milyon manat vəsait yönəldilib. Novator.az-ın məlumatına görə, Dövlət Statistika Komitəsi bildirir ki, sərmayənin 70,6 faizi məhsul istehsalı sahələrinə, 17,5 faizi xidmət sahələrinə, 11,9 faizi yaşayış evlərinin tikintisinə sərf olunub.
Daxili mənbələrdən əsas kapitala yönəldilmiş vəsait ümumi sərmayənin 61,1 faizi həcmində göstərilir.
Qeyd olunur ki, sərmayənin ümumi dəyərində müəssisə və təşkilatların vəsaitləri 73,7 faiz, büdcə vəsaitləri 14,2 faiz, əhalinin şəxsi vəsaitləri 6,8 faiz, büdcədənkənar dövlət fondlarının vəsaitləri 3,4 faiz, bank kreditləri 1,2 faiz, sair vəsaitlər 0,7 faiz təşkil edib.
