Nəticələri ləğv olunan dairələr
Fevralın 13-də Mərkəzi Seçki Komissiyası fevralın 9-da keçirilmiş parlament seçkisinin ilkin rəsmi nəticələrindən şikayətlərə baxıb.
Novator.az-ın məlumatına görə, Yeni Azərbaycan Partiyasından deputat Hüseynbala Mirələmovun lider olduğu 33 saylı Xətai dairəsi, partiyasız namizəd Rauf Arifoğlunun ilk sırada qərarlaşdığı 35 saylı Xətai dairəsi, Yeni Azərbaycan Partiyasından deputat Hadı Rəcəblinin önə çıxdığı 74 saylı Lənkəran kənd dairəsi, partiyasız namizəd, deputat Çingiz Qənizadənin udduğu bildirilən 80 saylı İmişli-Beyləqan dairəsi üzrə nəticələr ləğv edilib.
Nəticələri ləğv olunan dairələri nəzərə alanda Yeni Azərbaycan Partiyasından 70 nəfər deputat seçilir. Lider namizədlər arasında Vətəndaş Həmrəyliyi Partiyasının 3, Respublikaçı Alternativ Partiyası, Demokratik İslahatlar Partiyası, Böyük Quruluş Partiyası, Bütöv Azərbaycan Xalq Cəbhəsi Partiyası, Ana Vətən Partiyası, Vəhdət Partiyası, Vətəndaş Birliyi Partiyası, Demokratik Maarifçilik Partiyasının hərəyə 1 təmsilçisi var, 40 nəfər isə partiyasızdır.
