Putin iki ildə 24% itirib
Rusiyanın “Levada” sorğu mərkəzinin keçirdiyi sorğu ölkə prezidenti Vladimir Putinin reytinqinin aşağı düşdüyünü üzə çıxarıb.
Novator.az xəbər verir ki, 2020-ci ilin yanvar ayında aparılmış sorğunun nəticələrinə görə, rusiyalıların 35%-i dövlət başçısına etimad göstərir. Bu, 2019-cu ilin sentyabr ayına nisbətdə 4% aşağıdır.
Vladimir Putinin reytinqinin son iki ildə 24% endiyi vurğulanır. 2017-ci ilin noyabr ayında Vladimir Putinə etimad göstərən respondentlər 59% həddində olub.
Vladimir Putin 1952-ci ildə doğulub. 2000-2008-ci illərdə prezident, 2008-2012-ci illərdə baş nazir olub. 2012-ci ildən yenidən prezidentdir. Onun səlahiyyət müddəti 2024-cü ildə başa çatır.
Səidə Hüseynova
