Paytaxt hakimiyyəti aksiya yeri ilə razılaşmır
Bakı Şəhər İcra Hakimiyyəti 16 fevral aksiyası ilə bağlı rəsmi müraciətə baxaraq qərarını açıqlayıb.
Fevralın 9-da keçirilmiş parlament seçkisinə qatılan Müsavat Partiyası, Respublikaçı Alternativ Partiyası, “D18” Hərəkatı rəsmiləri və bəzi müstəqil namizədlər fevralın 11-də Bakı Şəhər İcra Hakimiyyətinə xəbərdarlıq məktubu göndəriblər. Məktubda qeyd olunub ki, fevralın 16-sı saat 15-də paytaxtın “28 May” metro stansiyasının qarşısındakı meydanda mitinq keçiriləcək. Aksiyada 9 fevral seçkisində yol verilmiş saxtakarlıqlara etiraz bildiriləcəyi bəyan olunub.
Fevralın 12-də Bakı Şəhər İcra Hakimiyyətinin 16 fevral aksiyasını “28 May” metro stansiyasının qarşısındakı meydanda keçirməyə razılıq vermədiyi bilinib. Aksiya üçün Qaradağ rayonunun Lökbatan qəsəbəsi, “Neftçi” İdman Klubu Birliyinin Qaradağ Təlim-İdman Bazasının stadionu ünvan göstərilib.
Müsavat Partiyası 9 fevral seçkisində 64, Respublikaçı Alternativ Partiyasının yaratdığı blok 31, “D18” Hərəkatının daxil olduğu blok 20-yə yaxın namizədlə yarışıb. İlkin nəticələrə əsasən, Respublikaçı Alternativ Partiyasından Erkin Qədirli 16 saylı Yasamal dairəsindən deputat mandatı alır.
125 dairə üzrə keçirilmiş parlament seçkisində prezident İlham Əliyevin sədrlik etdiyi Yeni Azərbaycan Partiyasından 72 nəfər deputat seçilir.
Milli Şura nəticələrlə barışmamağa çağırır
Avropa 9 fevral seçkisinə nə deyir?
Seçkinin rəsmi nəticələrinə etiraz olaraq aksiya keçirilib
İsa Qəmbər və daha səkkiz namizəd birgə tələb irəli sürdü
Aksiyada xəsarət alan müsavatçının vəziyyəti necədir?
