603 məhdudiyyət qərarı
Dövlət Miqrasiya Xidməti 2020-ci ilin yanvar ayına olan statistik məlumatları açıqlayıb.
Rəsmi hesabata görə, ay ərzində əcnəbilərin olduğu yer üzrə qeydiyyatı ilə bağlı 49151 müraciət qeydə alınıb. Ölkədə müvəqqəti olma müddətinin uzadılması, müvəqqəti və daimi yaşamaq üçün icazələrin alınması, vətəndaşlığa qəbul, bərpa, vətəndaşlıqdan çıxma, eləcə də vətəndaşlıq mənsubiyyətinin və qaçqın statusunun müəyyənləşdirilməsi, əmək fəaliyyətinin həyata keçirilməsi üçün iş icazələrinin alınması və mövcud iş icazələrinin müddətinin uzadılması yönündə 7483 müraciətin qeydə alındığı bildirilir.
Qanunvericiliyin tələblərinin pozulmasına görə 1373 qərar qəbul edilib. 717 qərarda inzibati cərimə, 603 qərarda ölkə ərazisinə girişə məhdudiyyət yer alır.
