Rəsmi: 1,4 milyon nəfər səs verib
Mərkəzi Seçki Komissiyasının yeni məlumatına görə, fevralın 9-u saat 12-yə qədər parlament seçkisinin səsvermə raunduna 1 milyon 457 min 776 nəfər qatılıb, seçici fəallığı 27,35 faizə yüksəlib.
Səhər saat 8-də başlayan səsvermə saat 19-da başa çatacaq.
Milli Məclisə seçki 125 seçki dairəsi üzrə 5573 məntəqədə keçirilir. 5 milyon 329 min 460 nəfərin səsvermə hüququ var.
Seçkidə 1314 deputatlığa namizəd mübarizə aparır.
Qanuna görə, seçkidə qələbə üçün nisbi səs çoxluğu tələb olunur.
