Hava haqqında
Ekologiya və Təbii Sərvətlər Nazirliyinin Milli Hidrometeorologiya Departamentinin fevralın 9-u saat 12-yə olan məlumatına görə, Azərbaycanda yağıntı qara keçib, bəzi yerlərdə intensiv və güclü xarakter alıb.
Qarın qalınlığı Qəbələdə 29 santimetr, Göygöldə 28 santimetr, Daşkəsəndə 27 santimetr, Oğuzda 23 santimetr, Qusarda 20 santimetr, Şəkidə 18 santimetr, Göyçayda 17 santimetr, Zaqatalada 16 santimetr, Beyləqanda 15 santimetr, Göygöldə 14 santimetr, Gədəbəy və Qubada 11 santimetr, Şahbuz, Lerik, Balakən, Bərdə, Ordubad, Xaçmaz, Şabran, Tərtər, Şərur, Naxçıvan, Naftalan, Gəncə, Ağdamda 1-10 santimetr olub.
Bakıda və Abşeron yarımadasında temperatur 0 dərəcəyə yaxınlaşıb, aran rayonlarında 0-2 dərəcə, dağlıq rayonlarda 5-8 dərəcə, yüksək dağlıq rayonlarda 15-18 dərəcə, Naxçıvan Muxtar Respublikasında 0-5 dərəcə şaxta qeydə alınıb.
Fevralın 10-u Bakıda və Abşeron yarımadasında fasilələrlə qar yağacağı gözlənir. Güclü şimal-qərb küləyi əsəcək. Gecə 4 dərəcəyədək şaxta, gündüz 1-3 dərəcə isti olacağı bildirilir. Yolların buz bağlama ehtimalı var.
Azərbaycanın rayonlarında arabir qar yağacağı, bəzi yerlərdə intensiv olacağı qeyd edilir.
