Sabitlik, eniş, bahalaşma
Fevralın 5-də ABŞ dollarının rəsmi kursu 1,7 manat səviyyəsində saxlanıb.
Mərkəzi Bank BƏƏ dirhəminin məzənnəsini də dəyişməyib: 0,4628 manat.
Novator.az-ın məlumatına görə, avro (1,8758 manat) və Çin yuanı (0,2428 manat) ucuzlaşıb.
Dəyər artıran Gürcüstan larisi banklara 0,5965, İngiltərə funt sterlinqi 2,2128, Rusiya rublu 0,0269, Türkiyə lirəsi 0,2842 manata təklif olunur (Valyutalar).
Avro 2020-ci ilə 1,9025, lari 0,5947, rubl 0,0275, lirə 0,2849 manatla başlayıb. Dollar 2018-ci il martın 7-dən 1,7 manatadır.
Dövlət Neft Fondu Mərkəzi Bankın manatı qorumaq üçün 2019-cu ildə keçirdiyi valyuta hərraclarında 6 milyard 593,7 milyon ABŞ dolları məbləğində vəsait sərf edib. 2016-cı ildə analoji xərc 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar göstərilib.
Mərkəzi Bankın rəsmi hesabatına görə, fevralın 1-nə valyuta ehtiyatının həcmi 6 milyard 340,8 milyon dollara çatıb. 2020-ci il 6 milyard 258 milyon dollarla başlamışdı.
