Ordunun gücü: Azərbaycan 64-cü yerdədir
“Global Firepower” beynəlxalq təşkilatı güclü ordusu olan ölkələrin yeni reytinqini açıqlayıb. Reytinq ölkənin hərbi gücünə birbaşa və dolayısı ilə təsir edən faktorlara əsaslanır.
Novator.az-ın məlumatına görə, Azərbaycan 138 ölkə arasında 64-cü yerdə qərar tutur.
Siyahıya ABŞ başçılıq edir.
Ordunun gücü baxımından ikinci yerdə Rusiya, üçüncü yerdə Çin gəlir.
İlk onluqda Hindistan, Yaponiya, Cənubi Koreya, Fransa, Böyük Britaniya, Misir və Braziliya da yer alır.
Türkiyə 11-ci, İran 14-cü, Pakistan 15-ci, İsrail 18-ci, Ukrayna 27-ci pillədədir.
Özbəkistan reytinqdə 52-ci, Belarus 53-cü, Qazaxıstan 63-cü, Türkmənistan 77-ci, Litva 83-cü, Gürcüstan 89-cu, Tacikistan 94-cü, Qırğızıstan 98-ci, Latviya 102-ci, Ermənistan 111-ci, Moldova 112-ci, Estoniya 119-cu pillədə göstərilir.
