İsgəndər Həmidov “City Hospital”a köçürüldü
Sabiq daxili işlər naziri İsgəndər Həmidov fevralın 5-də Bakıdakı “City Hospital”a köçürülüb. Jurnalist Əvəz Zeynallı Novator.az-a deyib ki, yanvarın 24-dən fevralın 5-dək Mərkəzi Klinik Xəstəxanada müalicə alan İsgəndər Həmidovun vəziyyəti ağırdır, o, süni nəfəs aparatına qoşulub, komadadır.
Ürək xəstəliyindən əziyyət çəkən İsgəndər Həmidov 2018-ci ilin dekabrından bəri Azərbaycanda və Türkiyədə müayinə və müalicə kurslarından keçib.
İsgəndər Həmidov 1948-ci ildə Kəlbəcərin Bağlıpəyə kəndində doğulub. İqtisadiyyat və hüquq sahələri üzrə iki ali təhsil alıb. Uzun illər daxili işlər orqanlarında xidmət edib. Milli azadlıq hərəkatının öncül şəxslərindəndir. 1990-cı ildən parlamentin üzvü olub. 1992-1993-cü illərdə Azərbaycanın daxili işlər naziri postunu tutub. 1995-2003-cü illərdə həbsdə yatıb.
