Ermənistanda orta maaş nə qədərdir?
Ermənistanın Statistika Komitəsi 2019-cu ilə aid sosial-iqtisadi göstəriciləri açıqlayıb. Novator.az bildirir ki, rəsmi hesabata görə, 2019-cu ildə ümumi daxili məhsul 2018-ci ilə nəzərən 7,8% artıb, sənayedə 9%, ticarət dövriyyəsində 8,9%, tikintidə 4,6% yüksəliş qeydə alınıb.
Kənd təsərrüfatında məhsul istehsalının 4,2% azaldığı, orta aylıq maaşın 5,8% artaraq 182 min drama (646 manat) çatdığı bildirilir.
Hesabata əsasən, xarici ticarət dövriyyəsində 10,4%, ixracda 9,4%, idxalda 10,8% artım rəsmiləşib.
