8-i əskik…
Milli azadlıq hərəkatına başçılıq etmiş Azərbaycan Xalq Cəbhəsinin (AXC) öncül şəxslərindən 8-i dünyasını dəyişib.
Novator.az bildirir ki, AXC 1989-cu il iyulun 16-sı Bakıda təsis olunub. Qurucu konfransda Əbülfəz Elçibəy AXC sədri, Canbaxış Umudov, Etibar Məmmədov, Ələkrəm Hümmətov, Hikmət Hacızadə, İsa Qəmbər, Leyla Yunus, Nemət Pənahlı, Nəcəf Nəcəfov, Pənah Hüseyn, Rəhim Qazıyev, Sabit Bağırov, Sülhəddin Əkbər, Tofiq Qasımov, Yusif Səmədoğlu, Zərdüşt Əlizadə İdarə Heyətinin üzvləri seçiliblər.
AXC Ali Məclisinin sədri postunu Tamerlan Qarayev tutub.
1990-cı il yanvarın 8-də keçirilmiş konfransda İdarə Heyətindən gedənlər olub, onları Arif Paşa, Dilarə Əliyeva, Əlikram Əliyev, Firudin Səməndərov, Sabir Rüstəmxanlı, Vurğun Əyyub əvəzləyib.
1991-ci ilin yayında AXC-nin qurultayı İdarə Heyəti institutunu ləğv edib, İcraiyyə Komitəsi yaradılıb.
İcraiyyə Komitəsinin sədri postunu əvvəlcə Pənah Hüseyn, sonralar Tofiq Seyidov, Fərəc Quliyev, İbrahim İbrahimli tutub.
1991-ci ildə AXC Ali Məclisinin sədri vəzifəsinə Arif Hacılı, 1992-ci ildə Qulamhüseyn Əlibəyli seçilib.
AXC 1992-1993-cü illərdə hakimiyyətdə olub.
Qurumun öncül şəxslərindən 8-i həyatda yoxdur. Dilarə Əliyeva 1991-ci ildə avtomobil qəzasında həlak olub, Yusif Səmədoğlu 1998-ci, Nəcəf Nəcəfov 1999-cu, Əbülfəz Elçibəy 2000-ci, Əlikram Əliyev 2011-ci ildə, Vurğun Əyyub, Firudin Səməndərov 2019-cu ildə, Tofiq Qasımov 2020-ci ildə vəfat ediblər.
