Azərbaycana giriş yasağı: 5048 qərar verilib
Dövlət Miqrasiya Xidməti 2019-cu ilin hesabatını verib. Novator.az bildirir ki, açıqlamaya görə, ötən il əcnəbilər və vətəndaşlığı olmayan şəxslərin olduğu yer üzrə qeydiyyatı ilə bağlı 689 min 144 müraciəti rəsmiləşib.
Əcnəbilər və vətəndaşlığı olmayan şəxslərin müvəqqəti və daimi yaşamaq üçün icazələrin alınması (müddətlərinin uzadılması) ilə bağlı 50 min 304 müraciəti olub.
Şəxsin Azərbaycan vətəndaşlığına mənsubiyyətinin müəyyənləşdirilməsi ilə bağlı müraciətlərinin sayı 29 min 663 göstərilir.
İl ərzində qanunvericiliyin tələblərinin pozulması ilə bağlı 14 min 834 qərar qəbul edilib.
5376 qərarda cərimə ödəməklə ölkə ərazisini tərk etmək, 2717 qərarda ölkə ərazisində yaşamağın qanuniləşdirilməsi, 1140 qərarda cərimə və ölkə hüdudlarından kənara çıxarılma, 5048 qərarda ölkəyə girişə məhdudiyyət nəzərdə tutulub.
288 qərar müvəqqəti və daimi yaşamaq üçün icazə sənədinin itirilməsi ilə bağlı tədbirləri, 131 qərar qeydiyyat tələblərinin pozulmasına görə tədbirləri, 118 qərar əcnəbilərin və vətəndaşlığı olmayan şəxslərin işə götürülməsi qaydasının pozulması ilə bağlı tədbirləri, 16 qərar digər tədbirləri əhatə edib.
